¿Que Facer Se Ves
Unha Árbore en Perigo?
Viches unha Talla Ilegal, Poda Drástica ou Abandono das árbores en Vigo? Non cales!
Ti es a nosa ollada na rúa, e a túa acción é vital! Se detectas calquera agresión ao patrimonio arbóreo (unha talla ilegal de árbores en Vigo, unha poda excesiva ou un abandono que poña en risco un exemplar), avísanos de inmediato. A lei está do noso lado, e xuntos podemos defendelos.
A Lei Protexe as Árbores de Vigo: Coñece os Teus Dereitos
O Concello de Vigo ten a obriga de conservar o arborado urbano. Non é unha opción, é a norma.
Sabías que…?
- A Poda Drástica Está Prohibida: O Artigo 11.2.7.2. do Prego de Prescricións Técnicas do Concello de Vigo evita as podas drásticas e indica que só se deben facer en casos moi concretos, xa que debilitan a árbore. Cando ves unha poda sen criterio técnico, están a incumprir a súa propia normativa.
- Obriga de Conservación: O artigo 4 da Ordenanza Municipal de Zonas Verdes establece a obrigatoriedade de conservar o arborado urbano.
- As Árbores Non Se Deberían Substituír por Capricho: O transplante ou substitución de árbores de grande porte só é posible con criterios técnicos estritos e previa autorización municipal.
Como Actuar : Guía Rápida e Efectiva
Para que a túa denuncia de talla ilegal en Vigo sexa efectiva, segue estes pasos e envíanos a información:
- Garda a Evidencia (Urxente):
- Saca fotos e vídeos (data e hora son cruciais).
- Anota a localización exacta (rúa, número).
- Se os hai anota a matrícula dos vehículos e o nome da empresa se é visible.
- Fala co equipo de operarios:
- Pregúntalles a que se debe esa actuación drástica e pregunta polx técnicx especializadx da empresa que debe estar a pé de obra (así figura no prego). Pregunta por esa persoa, que ten que coñecer o prego e indicar que orde expresa ten para este traballo e que indicación recollida no prego está aplicando.
- Podes recordarlles que o prego de condicións do contrato de Acciona Mantén co Concello de Vigo prohibe específicamente estas podas no Apdo. 11.2.7.2 (páx. 293).
- Se non te atenderan, tes dereito a chamar á policía local para facer valer o teu dereito á información ante unha actuación incorrecta sobre o noso patrimonio natural.
- Contacta con Amigas das Árbores Vigo:
- Envíanos toda a información de inmediato para valorar a súa difusión.
- Avisa ás Autoridades (Se é un acto flagrante):
- Podes alertar tamén á Policía Local ou o Seprona, pedíndolles que esixan in situ os informes técnicos que xustifican a talla ou a poda.
Outras vías polas que podes actuar pola túa conta:
- Solicita información sobre esta actuación ao Concello de Vigo. Aquí tes un modelo de solicitude que podes copiar e pegar como pùnto de partida para presentar por rexistro.
- Pon unha queixa no Concello de Vigo.
- Pon unha queixa ante a Valedora do Pobo.
- Pon unha queixa ante o Defensor do Pobo.
Lembra: Os nosos árbores son patrimonio, e ti es fundamental para defendelos.
