Amigas das Árbores e a Biodiversidade de Vigo:
Somos unha asociación cultural sen ánimo de lucro para a conservación das árbores e da biodiversidade da cidade de Vigo
Non somos só amantes da natureza; somos a súa voz ante calquera persoa ou entidade que supoña unha ameaza para o noso patrimonio verde. A nosa misión é protexer e coidar o patrimonio arbóreo de Vigo e a súa contorna.
Levamos dende 2024 traballando de xeito voluntario con outras persoas, veciñas e veciños coma ti, ás que lles preocupa a actitude das administracións fronte a emerxencia climática e que comprenden o valioso rol que teñen as árbores para baixar as temperaturas extremas, reter e xerar humidade, ser fonte e protección de vida para aves e outros animais e tamén como parte da nosa cultura, como elementos históricos.
Os nosos eixos de traballo:
Vixilancia do cumprimento das normativas vixentes en materia de protección e mantemento das árbores, as zonas verdes e a biodiversidade que albergan, particularmente contra a talla e poda excesiva e/ou ilegal.
Educación ambiental para valorar a biodiversidade urbana.
Esixencia de prácticas sostibles e responsables.
Ademáis de conservar e manter, queremos ver medrar as zonas verdes e a biodiversidade na nosa cidade.
Cada árbore, cada espazo verde, son parte do noso legado histórico e natural.
